東網優惠停不了，全球讀者齊歡笑。東方報業集團旗艦網站「on.cc東網」推出短短三個幾月，氣勢如虹，不斷創新，回饋讀者更加係一浪接一浪。今次又有好消息向大家報告喇，而且係惠及全球，人人有份o架。
人逢喜事精神爽，今年適逢東方報業集團四十五周年報慶，為咗回饋讀者，繼之前全球免費開放《太陽報電子報》同《好報電子報》之後，再推出史無前例嘅優惠，今日起全球免費開放《東方日報電子報》一個月，每日香港時間凌晨三點半，只要透過東網網站同App就可以免費瀏覽當日整份《東方日報》，無論身處世界任何角落，都可以同步享受前所未有嘅閱報樂趣。
《東方日報電子報》創傳媒先河，採用前後揭頁式閱覽模式，原汁原味，同實體報紙冇分別，連廣告資訊亦一目了然。所以話，東網力臻完美，功能日趨完善，點擊率屢創新高，唔止讀者有着數，廣告商同樣得益，聰明嘅你一定識得點樣選擇。
當然喇，為配合《東方日報電子報》全球免費開放，東網旗下嘅「東方日報/太陽報電子報」App亦會進行更新，並改名為「東網電子刊物」，讀者只要更新或安裝「東網電子刊物」App就搞掂嘅喇。「東網電子刊物」App囊括咗東方報業集團旗下刊物嘅電子版，包括《東方日報電子報》、《太陽報電子報》、《好報電子報》、《FLASHoN電子版》同《特刊電子版》，包羅萬有，百花齊放，任由全球讀者隨時隨地免費閱覽。
有讀者可能會問，《東方日報電子報》點解只免費開放一個月？其實係咁嘅，《東方日報電子報》免費開放後，東網瀏覽量一定飆升，需要時間掌握伺服器嘅負荷，以便日後提供更優質嘅服務。至於付費訂閱咗《東方日報電子報》嘅忠實讀者，訂閱期將獲延長一個月。總而言之，東網優惠停不了，好消息陸續有來，請各位密切留意。
話時話，為咗打造全球華人最強資訊平台，東網又點會遺忘內地同胞吖。呢，繼進軍台灣推出「東網台灣」之後，東網再接再厲，隆重推出簡體字版東網大陸網站和「東網大陸」App，各位唔止隨時可以獲得最地道、最快捷、最詳盡嘅神州資訊，更可以透過多位內地重量級人物及知名學者所寫評論，從多角度深入、透徹了解神州以及國際大事。唔係賣花讚花香o架，「東網大陸」評論版作家陣容龐大，星光熠熠，絕對不容錯過。
順便提提大家，因應發展策略，東網為唔同地區設定唔同顏色，全新嘅「東網大陸」App 同icon配上代表大陸「紅色江山」嘅紅色，新聞版面亦以紅色為主調，係咪好醒目好吸引呢？一句講晒，東網魅力沒法擋！