占士戴面罩嚇走紐約人
「大帝」化身黑武士顯神威！勒邦占士（LeBron James）早前因鼻樑受傷需要休息，但「大帝」似乎等不及要回到球場，昨天熱火主場對紐約人成為其復出首戰。戴住面罩上陣的勒邦占士大顯神威，全場轟入31分協助球隊以108比82大勝對手取得六連勝，同時送給紐約人四連敗。
勒邦占士於上周對雷霆的賽事帶領球隊順利勝出，但於賽事中被對手伊巴卡（Serge Ibaka）打斷鼻骨，更曾接受手術，因此缺席上場對公牛的賽事。「大帝」昨日復出，但為了保護鼻樑，決定戴上面罩出戰，而他選擇的是一副黑色面罩！
連續五場得分30+
勒邦占士甫戴上黑色面罩上陣，即於Twitter引發熱烈討論，不少網民更改圖將「大帝」變成黑武士、海盜、蝙蝠俠及黑俠梳羅等戴黑色面罩的經典人物。至於勒邦占士早前於訓練中戴上面罩時曾表示打波感覺不太好，但昨仗明顯未有影響其發揮，一開波已經擺出全攻型姿態，於19投13中下轟入31分，助球隊大勝紐約人，「大帝」更已連續五場得分達到「30+」，是2010年（2月4至18日）以來首次。
九年來首次戴面罩比賽的勒邦占士賽後很滿意自己的表現：「我打得唔錯，可以話戴面罩復出好成功，不過呢個係我跟住要適應嘅一樣嘢，至少跟住落嚟幾個禮拜都係咁樣。」熱火將於周日續於主場迎戰魔術，球隊現時狀態甚佳，有力再下一城。
（周日早上8時30分開賽）
NBA賽果熱線：2795 2233
查詢時間：中午12時至下午6時