渡海濠情：損友拿手出賣朋友
大家真係咪向啲豬朋狗友亂吐心事，據專家指出男人最喜歡把朋友嘅秘史公告天下，而嚟自利澳水療嘅可心就話，真係咁o架！呢啲例子佢見過唔少！
大吹大擂
可心話：「我真係遇人不淑，之前幾個男朋友都一腳踏幾船，瞞住我同一時間跟其他女仔有關係，佢哋個個保密工夫都做得好足，連一啲蛛絲馬迹都冇畀我發現到，後嚟我點樣知道呢？就係喺佢哋啲豬朋狗友身上套料返嚟，啲男仔如果周圍溝女，佢哋會覺得好威好架勢，所以一定會喺啲朋友面前晒命，大吹大擂，所以只要向佢哋啲朋友埋手就可以輕易套到料，一共有幾多個女友，佢哋做乜嘅，住邊嘅，都可以一清二楚知道晒！」
罪證確鑿
真係咁易？可心話：「當然要有少少技巧，第一你要同佢哋有啲交情，最低限度佢哋要知你係阿嫂，另外，約佢哋出嚟嘅時候，要扮吓嘢，扮晒好唔開心，當佢追問你發生乜嘢事時？你要話發現男友有啲唔妥，但又唔知係乜，自己好唔開心，甚至嚇佢你要生要死，佢哋就會連忙好言安慰。呢個時候就要佢哋老實交代，如果男友真係另有所屬，你就講願意退出之類嘅說話，通常佢哋都會如實交代，當罪證確鑿，你就可以大興問罪之師，聲討負心人啦！」
可心Profile
年齡：22歲
三圍：34-24-35
撰文：小德
攝影：阿生