笑看天下：名醫吟詩樹風範

講真，以林大國手之權威，你話佢侵吞公款四百萬元，打句問句老朽都唔信，如今乜世界，百物騰貴，銀行啲文員仔都最少侵吞客戶七百萬元喇，有些甚至二、三千萬元，如果同內地啲「裸官」比較，則更是蚊髀比牛髀！

大國手吟詩表達一生人的意志，有天下名士捨我其誰的清狂，看官，此種「寧做真輕狂，不做偽君子」的魏晉狂士如「竹林七賢」才有的遺風，竟在香港這樣功利貧富懸殊的社會得以一睹，老朽此生不算白活了！

「特首御醫」林兆鑫未因囚獄而消磨意志，老朽覺得好有教育意義。想當年，民國漢奸汪精衞的《獄中雜感》，既沒有「肝膽」，也沒有「風雲」，不過是：「西風庭院夜深沉，徹耳秋聲感不禁。伏櫪驊騮千里志，經霜喬木百年心。南冠未改支離態，畫角中含激楚音。多謝青燐慰岑寂，殘宵猶自伴孤吟。」曾經「慷慨歌燕市，從容作楚囚」的汪精衞，明顯欠了「肝膽照日月」的激情！

大國手表白希望大家畀空間佢，等佢重新投入社會，為香港、中國做啲事！聽其言而觀其行，誠心希望佢快啲重投杏林，贈醫施藥，則人生雖已破碎，然餘暉發光，依然無憾。