「一個十八歲有屋企養、讀政府資助學位、平時只顧吃喝玩樂嘅大學生無端端有四千蚊，我哋辛辛苦苦搵兩餐晏仔、又要交稅又要供樓仲要養兩條化骨龍嘅就乜都冇，只係退番原本喺我哋袋嘅稅同差餉，公平咩！」
筆者收到「憤怒讀者」意見，決定原文照錄，因為這段說話實在太中肯，說出大部分市民心聲，可見港府胡亂派錢製造社會矛盾，「戇×」都不足以形容。更有甚者，不少朋友已揚言即使差額只有一元都要填表攞錢，「玩死政府都好」，擺明出於報復心理，市民的怨憤有多大，不問可知。
到底陳茂波要有多麼高的「智商」，才能想出一個漏洞百出、行政費隨時「妹仔大過主人婆」兼費時失事的派錢方案？以港產官僚的辦事效率，單是設計該份表格隨時已要一年，審批要一年，派錢又要一年，四千蚊到手可能已是現屆政府任期尾聲的事，後生仔當然等得起，最怕老人家等不到而含恨而終。
礙於眾怒難犯，港府又吹風指申請一切從簡，只需「剔剔剔」，甚至設立熱線供市民查詢是否合資格申請云云，真是愈聽愈火滾！一個「補極都漏」的派錢方案，玩死市民又玩死自己，何不直接乾脆全民派錢？如果這就是陳茂波所謂的「理財新哲學」，筆者將嚴重懷疑其會計師牌是怎麼考回來的！