好嘢自然多人欣賞，好似東方報業集團旗艦網站「on.cc東網」咁吖，點擊率節節上升，唔單止穩坐新媒體一哥寶座，仲贏足競爭對手九條街，愈戰愈勇，誰與爭鋒！
唔係功夫茶賣花讚花香，有數字為證（口架）！國際市場調查公司comScore最新數據顯示，東網繼續勇奪香港新媒體嘅第一，包括全港瀏覽人數最多、全港瀏覽量最高、全港讀者瀏覽時間最長的新聞傳媒網站。即係咁，東網致力打造全球華人最強資訊網，一向深受讀者歡迎，攞第一就梗（口架）嘞，最犀利係瀏覽人數不斷創新高，其中來自香港嘅不重複瀏覽人數，去年十二月份錄得一百五十六萬六千人，較上個月嘅高峰再增長近二萬人，反觀排第二嘅壹傳媒網站就持續下跌，去年十一月不重複瀏覽人數比東網少六萬七千人，到十二月差距更加擴大一倍至十三萬八千人，輸到連車尾燈都見唔到。
除咗瀏覽人數全港最多，東網亦繼續蟬聯全港瀏覽量最高、讀者瀏覽時間最長嘅新聞傳媒網站。去年十二月東網嚟自香港讀者嘅總瀏覽網頁次高達八千一百萬，較壹傳媒網站嘅五千八百萬頁次，高出三成九；至於來自香港讀者嘅總瀏覽時間，東網錄得七千六百萬分鐘，比壹傳媒網站多出一成，平均瀏覽時間亦較壹傳媒網站多近一成。至於東網嘅全球讀者，數量更為龐大吖。
點解東網咁受讀者愛戴？好簡單，東網資訊最快、最新、最齊全，尤其係早前面世嘅三合一東網APP，將東網港澳、東網大陸以及東網台灣共冶一爐，讀者唔使安裝多個APP，就可以一站式睇晒各地區最地道嘅新聞資訊；咁都唔止，東網APP版面不斷更新，務求為讀者帶來最佳閱讀體驗。依家只要透過底部嘅Menu Bar，又或者按左上角東網Logo，拉出隱藏Menu Bar，選擇東網其他精彩內容，亦可以左右撥轉換畫面功能，彈指間輕鬆操控整個東網APP。
當然喇，話明新媒體，除咗以內容取勝，仲要周不時搞搞新意思。好似將報紙內容原汁原味放上網，就係東網首創嘅嘞；直播六合彩攪珠以及港超聯賽事，東網亦係飲頭啖湯。特別係直播港超聯賽事，大家睇吓港隊參與世界盃賽事場場爆滿，就知道撐本地足運已經成為潮流，港超聯賽事喺東網有得睇，球迷梗係黐到實一實喇。
始終都係嗰句，讀者眼睛係雪亮嘅，東網精益求精，力臻完美，自然人見人愛。東網讀者群龐大，影響力無遠弗屆，即係話廣告接觸讀者層面愈廣，效益愈大，廣告客戶識點揀喇！