號稱「法治」是核心價值的香港，一直自詡「保障新聞自由」，原來都係呃人嘅！最近一宗令人難以信服的判決，讓人覺得香港司法淪落，尤其是新聞自由備受打壓，無疑已敲響司法不公不義的警鐘！
這絕非危言聳聽，事發於去年三月，本報記者採訪一宗有人遇襲事件，期間有人認出本報記者並叫囂，報稱任職金融經紀的被告涉嫌恐嚇說「我影低咗你，你唔好落佐敦，你落佐敦我搵人斬你」。然而，裁判官認同本報記者能說出如何受被告恐嚇，亦能在認人手續中認出被告，卻裁定案件表證不成立，被告當庭獲釋，理據係「得不到由控方所提供的現場閉路電視錄影片段的支持」，世事之不合理竟有如此兒戲者！阿哥，若然郁吓都要閉路電視錄影，受害人的證供反而備受質疑，咁大把案件都唔使審啦，尤其係強姦案！
東方記者遭恐嚇絕非個別事件，好像壹淫媒老闆漢奸黎於今年的六四活動後對本報記者粗暴指罵，又×人哋老母，又恐嚇「實會搵人搞×你」，視法治和新聞自由如無物。但奇怪嘅係，事發經過有「錄影片段的支持」，更激起社會廣泛關注，甚至警方重案組也介入調查，當局卻至今未有檢控行動，漢奸黎依然逍遙法外，唔通連檢控都要等到有「合適社會氣氛」？
反觀港府打壓東方，不單行動神速，而且理由千奇百怪，但所謂嘅「投訴」，經調查後全是子虛烏有，如此混吉混帳之事，也只有冇神經冇靈魂嘅政府才會做得出！
老朽想起殘唐五代政治黑暗，宋朝神宗皇帝問王安石有沒有讀過歐陽修編纂的《新五代史》，王安石答曰：臣不曾仔細看，但見每篇首必曰嗚呼，則事事皆可嘆也！今觀乎香港司法之無理荒謬，法治、司法皆淪為笑柄，不亦嗚呼哀哉乎？