西九文化區內嘅香港故宮文化博物館預料喺二○二二年落成，準備工作已經密鑼緊鼓開展，好似行政總監招聘工作就喺尋日開始。呢個職位要求有最少廿年相關經驗，又要擅長兩文三語，但識粵語嘅求職人士只係更佳，即係最重要都係普通話囉！仲記得西九戲曲中心顧問小組成員汪明荃（阿姐），早前就戲曲中心任命外國人為藝術總監好激氣，殊不知對方能操流利普通話，睇嚟識普通話先有前途喇。阿姐不妨考慮親自上陣去應徵呢個職位，以佢嘅專業資歷應付呢個職位綽綽有餘喇！
