上東網，知天下，功夫茶今日同大家講兩個好消息，《太陽報電子報》及《好報電子報》即日起同時免費開放，全球華人資訊即時共享，體驗非一般嘅閱報樂趣，係咪震撼優惠呢！
電子報有別於一般網站，呢一種閱讀模式畀到讀者嘅感覺係四個字：原汁原味。簡單咁講，實物報紙有乜睇，電子報就睇到乜，最適合鍾情於實物報紙嘅廣大粉絲。而且咯喎，假如閣下身處外地，一時之間未必咁容易買得到實物報紙，電子報就係上上之選嘞，正式係行到邊，睇到邊。《太陽報電子報》每日嘅出版時間係香港凌晨三點半，假如你身處英國，可以睇到嘅時間係晚上七點半，美國東岸係下午兩點半，美國西岸係上午十一點半，澳洲東岸係早上六點半，澳洲西岸係凌晨三點半。而《好報電子報》就每逢星期五出版，一出版例必有獨家猛料。至於《東方日報電子報》稍後亦會推出優惠，屆時廣告客戶仲有喜訊添，請密切留意喇！
點解會免費開放電子報？原因好簡單，回饋讀者及網民咯。事關東方報業集團全新旗艦網站「on.cc東網」隆重登場之後氣勢如虹，網站大受歡迎自然人逢喜事精神爽，所以就決定免費開放電子報嘞。從今日開始，全球華人都可以原汁原味免費閱讀電子報，唔止係網民好消息喎，對於廣告客戶而言亦係推廣產品嘅絕佳機會。你知啦，東方報業集團係本港首屈一指嘅新聞權威，加上無界限嘅網絡威力，廣告客戶推廣產品簡直不費吹灰之力。不過咁，嗰啲針對東方報業嘅牛鬼蛇神就有難喇，到時全球華人都可以睇到佢哋嘅醜行，想唔臭名遠播都幾難！
東方精益求精，不斷與時並進，「on.cc東網」已經包羅萬有，不過集團仝人係唔會自滿o架，所以陸續推陳出新，務求更上一層樓，為讀者及網民帶來資訊新時代。好似其中嘅《ontv東方電視》咁吖，除咗原有嘅新聞、娛樂、財經、體育及生活等等範疇之外，即將進行大改革，將會以自製節目，評論分析為主，為各位論盡天下大事！
「on.cc東網」嘅宗旨係立足香港服務全球華人，透過龐大編採團隊打造最強嘅即時新聞，每日二十四小時提供最快捷、最準確又最詳盡嘅資訊。一上東網就讀到文字，見到圖片，睇到視頻，聽到聲音，感覺上係咪服務周到全方位呢？所以話啫，「on.cc東網」真係集文字、圖片、視頻於一身o架！
今時今日上網已經唔再局限於電腦，用智能手機一樣得。功夫茶提提大家，「on.cc東網」Android手機Apps已經推出，其他手機版本嘅Apps亦會陸續更新。
東方出品，必屬極品；東網在手，天下我有。「on.cc東網」精彩陸續有來，唔只有第一波，仲會有第二擊、第三炮，趁今日免費開放電子報嘅喜慶日子，功夫茶同大家講一句，上網快樂！