醜聞拂了一身還滿嘅貪曾，最近爆出嘅一樁係佢在位時恨見教宗，終於搞到涉嫌干預司法，香港嘅核心價值「廉潔奉公」已敗在佢手中，如今連司法獨立都想摧毀，認真離鬼譜！
有議員認為事態嚴重，有必要引用《特權法》召貪曾來問個水落石出，誰知民建聯嘅葉國謙，竟然無視呢單「魔鬼交易」嘅事實，阿哥，貪曾直接指令前香港駐歐盟特派代表與意大利政要接觸，呢啲都係意大利法庭上嘅證詞，有根有據，點會淪為葉國謙口中嘅所謂「傳聞」？
內地李天一強姦案，其娘親，亦即李天一他媽夢鴿一味愛子心切，死口都推話係「環境」嘅錯，如今葉國謙護主心切，赤膊上陣，死口話係「傳聞」，真如他媽的夢鴿一味推卸責任，人哋都話愛兒心切，呢位葉國謙卻他爸的護主心切，把貪曾一把攬在懷裏，一味呵護：都係「傳聞」嘅錯！乖乖，唔使驚乜鬼「尚方寶劍」嘅《特權法》！我保皇黨、民建聯心甘情願覓餌吞鈎，務令大人繼續逍遙法外！與「曾朋友」把臂再作豪遊壯舉，歎盡餘生！
葉國謙之流的政客，其護貪嘴臉之難看，使老朽想起康熙時有個叫高士奇的隨從大臣，一次康熙出郊巡遊，坐騎受到驚嚇，奔突騰躍不止，把素以騎術專精自詡的康熙摔下來，眼見皇上在眾人面前丟臉，高士奇立刻跑到污水坑，滾了一身臭泥，然後踉蹌地走到康熙面前，皇上被他那副狼狽相逗笑了，高士奇隨即跪奏：臣拙於騎技，剛一跨上馬鞍就跌個四腳朝天，更恰巧跌落臭坑裏，可一聽到聖上受驚，臣未及更衣便趕來請安。
天下沒有白出洋相的奴才，高士奇自此平步青雲；今葉國謙奴顏護前主，滾了一身臭污泥，要是貪曾仍在位說不定也會官運亨通，可如今一副醜態，如此政客卻是香港政制邁向民主的絆腳石！