政情：網民發起反公社遊行

一班唔知係八十後定九十後，最近就喺網上討論區同facebook發起「反公社五人幫、社團廉恥連線」和平遊行，仲定喺嚟緊嘅禮拜日下晝一點半至兩點鐘舉行，暫定喺立法會集合，然後遊行到社民連辦事處，預計整個行程約一個鐘；發起人仲話，衣着服飾唔需要講究，便服就得咁話。　

反公社五人幫遊行嘅訊息一出，好快有網民留言，有人好幽默問「有冇嘢食？」、「有冇車接送？」、「有冇李慧琼做導遊先？」擺明係諷刺啱啱舉行「政制向前走」集會班建制派。其實喺網上發起嘅遊行集會，好多時都係得小貓三四隻，但唔理人數幾多，社民連都要明白，你反對人，人反對你，等佢哋知道畀人惡搞嘅滋味！