笑看天下：執行力強在哪裏

正當公屋輪候時間早前突破五年大關，但原來「有屋冇人住」久已存在！雍盛苑九戶，空置十二年；漁灣邨四十伙，荒廢兩年。有議員直斥政府部門零協調，浪費公屋珍貴資源養曱甴老鼠，試問如何稱得上「想方設法善用現有房屋」？政出多門，看來應來個「精兵簡政」的改革，杜絕部門高層「你推我卸」的陋習。

內地也有不少政出多門的笑話，譬如：一隻蛤蟆跳進水裏，歸農業部管，蹦到岸上就歸林業局管。職責劃分不清，協調難度自然也大；權責分離嚴重，相同的問題各有各說、各走各路，到頭來就是沒有人需要負責！

審計報告每年指出政府各部門處理事情成效欠佳，其實很多時皆因各自為政，或是hea住做，今次呢單「有屋冇人住」，追究起來其實也是部門不協調不作為。林鄭自詡「執行力強」，唔該咪再吹水，嚴肅處理下啲「民生大事」啦！順便叫律政司唔好食咗幾擔豬油咁，黎智英涉刑恐本報記者單案，拖咗成年不但「人未下來」，家陣連「樓梯都未響」吖，執行力認真弱雞到冇眼睇！