今時今日，學生哥未嘗辦公室政治，先便見識街頭政治，社會撕裂，變成兩極；比如落旺角，便最怕埋錯堆。
猶幸兩堆人不難辨識，除了黃色、藍色，有雨傘、無雨傘，一堆慣常戴口罩，一堆則除了口罩，還帶備眼罩保鮮紙；又除了裝備，兩邊群體也有特徵，黃色以年輕人為主，多的是短裙熱褲少女參與，藍色八九成是三十到六十歲中佬，間中有幾個阿嬸力竭聲嘶地發聲；行為上，一堆喜歡搭帳篷，一堆則硬要拆人帳篷。
特區向來便有「埋堆」文化，學生時代，愛跟誰玩便跟誰玩，男生女生，好動好靜，讀書、打波、看戲的各自成堆；同學分成幾堆，老師跟學校也不擔心，學生埋哪一堆，不過人以群分，自己興趣自己揀。
讀完書，出社會做事，一樣要埋堆，辦公室政治，老闆而下，起碼有兩堆，通常是得勢一堆，失勢一堆；社會初哥，不懂埋堆，輕則被人玩，重則影響在公司的前途，正所謂「不怕入錯行，最怕埋錯堆」。但同事分成兩堆，公司也不擔心，做老闆的誰不知道手下有人明爭暗鬥，只不過要把競爭趨向良性，內部有競爭，公司才會有發展。
特區政治，本來也是兩堆，要埋邊堆自己揀，邊堆容易上位大家都知，有人捨難取易，有人偏愛迎難而上，向來各有各做，未至於你死我活。
近兩年，卻是文化丕變，從磨合講到融合，偏就不講包容，硬要把兩堆搞成一大堆，結果反而把兩堆人推向兩極。
舊時所謂埋堆，不過奠基於包容，說廣東話、英語、普通話都無所謂，能溝通就好。有得埋堆便有選擇，埋錯堆不打緊，最怕埋邊堆無得揀。