早前有旅遊局為傳媒組織一次馬來西亞「榴槤之旅」，幾天期間嘗盡各種頂級榴槤和榴槤食品—嚇得我！立即推卻了。
那些金枕頭和D24，對好此道者就如「露暈娜」與「警鐘胸」，一嗅已經口水瀉地；對我來說呢，較像傅穎及鄧麗欣—只想見唔到聽唔到。
都說榴槤好熱氣，吃得多會生病。據說那次榴槤採訪團中，有兩位男丁相繼不支，病了一晚屙足半晝，腸胃大清洗後，當無事發生過，立即展開另一輪「濫溝」攻勢—當飲食旅遊記者，最好擁有死士的脾胃。
今回前往吉隆坡，幸好只是為採訪當代藝術展覽，跟榴槤應該可以保持文明的距離吧。結果，在吉隆坡一間酒店的中菜廳用膳，竟然出現一件榴槤班戟，嚇得我！不過，小小一件，以班蘭葉包裹着，露出鮮黃色的班戟皮，頗具美感，加上公關小姐在旁做啦啦隊，好了，姑且吃一次……真的，很美味，班戟皮極之薄，餡料香濃而Creamy，出色的甜品。
吃後，抬頭看看，公關小姐竟然不吃！她解釋：「稍後要回到辦公室，然後到會議室開會，一旦有胃氣，所有人都會嗅得榴槤味……」，在封閉地方有榴槤味已經夠可怕，在封閉地方嗅得從別人胃部嘔吐出來的榴槤味，更加嚇死人！航空公司禁止乘客攜帶榴槤上機，也許亦要拘留上機前3小時曾吃過榴槤的「臭客」。
旅遊飲食寫作人