台灣台一鳴驚人 港澳台更加精彩

花開兩朵，先表一支。尋日中午十二時起，東網台灣台《濁閱天下》節目打響頭炮，由民進黨重量級人物林濁水親自出馬，分析台灣市長選舉藍綠之爭，由政治人物出身講到政治大勢及選戰布局，條分縷析，真係句句到肉，鞭辟入裏，點到你唔服吖。呢，節目首播後熱評如潮，連台北市基層警官都拍爛手掌，話東網嘅網絡服務愈來愈多元，愈來愈精彩，只要一部手機在手，就可知國家天下大事。

台灣台一鳴驚人，港澳台更加精彩。《毓民踢爆》節目主持人黃毓民以及《軍政鼎盛》主持人馬鼎盛，前者係無人不識嘅名嘴，後者係知名軍事專家，由佢哋分析香港、澳門、內地同世界大事，梗係睇通睇透，入木三分。一句到尾，東網在手，天下我有，關心時事嘅你點可以錯過吖。

當然啦，除咗一眾猛男同大家月旦時事，指點江山，激揚文字，家陣天口咁熱，又點少得美女為大家消消暑吖。講到美女，各位真係要黐實東網電視嘞。好似上月底推出嘅《東網baby》咁吖，每期請嚟唔同性感女星載歌載舞，觀眾認真眼福不淺；仲有台灣台全新王牌娛樂節目、逢周五播出嘅《東網Pop U秀》，請嚟S.H.E師妹、台灣五人女子團體Popu Lady，訪問唔同藝人之餘更會玩互拍……總而言之，沒有做不到，只有想不到，東網電視節目精彩紛呈，觀眾睇過就知冇花假。

係喎，淨係掛住講東網電視點「好睇」，爭啲唔記得講點「易睇」添。為咗令觀眾有最佳視覺感受，東網電視推出一系列新功能，例如Web版有新設計，觀眾向下捲動搜尋更多影片嘅時候，播放器就會自動縮細並置於網頁左上角，方便觀眾邊睇片邊搜尋；網頁仲設有短片搜尋功能，只要輸入關鍵字，想睇心水影片同節目，話都冇咁易，係咪好貼心先？仲有喎，手機App亦唔執輸，一樣可以收睇港澳台及台灣台，至於點樣技術更新，點樣方便快捷，聰明嘅你用過就知嘞。

即係咁，香車配美人，咁資訊最快最強最新最全嘅東網應該配咩呢，冇錯嘞，之唔係精明識貨嘅你哋囉！喂，大家仲等乜嘢呀，即刻上東網電視先睹為快啦。