渡海濠情：接吻功夫 易學難精
湖北有對啱啱拍拖嘅男女，喺七夕情人節食完晚餐後，正感情意綿綿開始親吻，唔知係體位唔啱，定係男方用力過猛，搞到囡囡下巴脫位，嚟自十八桑拿嘅珊珊就話：「唔識接吻嘅男仔，千祈咪要！」
唔識扮識
珊珊話：「咪以為接吻係件好簡單嘅事，當中大有學問，好多男朋友冇呢方面嘅經驗，但喺女朋友嘅面前，成日就唔識扮識，錫得唔舒服唔在講，有時仲會整親個女朋友添！我記得讀書時認識一個師兄，佢係校隊足球部嘅運動健將，所以佢神高神大，平時身邊有好多女仔圍住佢嚟轉，我起初以為佢係情場浪子，於是借啲意埋佢身，不出三日就約咗佢出街，出嚟冇耐就搵地方嚟激吻，點知佢原來唔識接吻嘅，猛用棚牙嚟撞我，都唔知佢想點？」
差強人意
咁後嚟點呀？珊珊話：「我梗係推開佢啦！佢仲好意思問我做乜？當時唔想得失佢我咪話有人望住我哋囉！由於佢都算係學校嘅知名人士，所以佢都怕有人睇到，於是我至唔使撞崩棚牙咋！自此之後揀親男朋友我都要先同佢親吓嘴，如果佢吻功厲害，我哋就做情侶，如果吻功唔得，就算幾靚仔都唔好搞我，而且據我統計，吻功好嘅男友，床上表現亦都一流，相反吻功差勁嘅男友，床上表現都會差強人意，所以我教好多姊妹揀男朋友前先要考佢嘅吻功！」
珊珊Profile
年齡：20歲
三圍：34-23-34
撰文：魂
攝影：阿德