大亞灣核電廠又再發生洩漏核輻射事故，並且隱瞞逾一星期先通報港府，公眾知情已經係三星期後嘅事。立法會保安事務委員會尋日舉行緊急會議討論事件，香港核電投資公司以擔心引起「狼來了恐慌」為藉口延遲通報，遭受各黨派群起攻之。
民主黨張文光質疑核電廠想淡化事件，否則見到核洩漏危機出現，就等同見到狼企喺羊群面前，冇理由仲去分大狼、中狼定細狼先考慮同唔同市民講，等同置人命於不顧。
