商場滲銹水 領匯遲維修
彩雲商場已有逾三十年歷史，陳先生近日發現商場外牆有不少裂縫，更滲出銹水，令牆身留有銹漬，「都唔知係咪入面啲鋼筋生晒銹，搞到有銹水滲出嚟，如果成塊石屎甩出嚟點算？」陳指領匯一直無視外牆裂縫，更未有進行維修，擔心情況會進一步惡化。
領匯發言人承認上址有滲漏現象，有關污漬則因天台地台及酒樓內洗手間污水滲出引致。為防止再有污水滲出，已於上址進行防水工程，並正在安排外牆清潔及相關的維修工作。
當區區議員徐百弟認為問題出於領匯屬私人機構，政府無法就其管理手法進行監控，「依家領匯好多嘢都做得唔好，成日都要有投訴先做嘢，咁樣受害嘅只係居民！」