政情:段崇智抱恙 傳留院

中文大學上星期有示威者同警方多日激戰,期間中大校長段崇智曾去到中大二號橋游說,臨離開之前遇上警方施放催淚彈,段校長一度被濃煙吞噬,事隔個多星期,有傳段校長早於上周末入院,直至目前為止都一直留院,唔知佢身體不適同當日嘅催淚煙有冇關係呢?

臨中大戰場 身陷催淚煙

上個星期二,中大變成血肉戰場,大批黑衣人同警方當日響中大二號橋對峙,段校長當日傍晚現身了解情況,入夜之後,段校長同學生去二號橋同警方交涉,現場有警務人員明言唔會同學生談判,仲叫段校長「返去」,未幾警方就放催淚彈,無保護裝備嘅段校長之後響其他人護送下掩鼻離開。

有傳段校長喺中大衝突之後幾日,即係上個星期六起入住沙田威爾斯親王醫院,依家都未出院,傳佢仲要留院多幾日,但應該無大礙。至於佢究竟係因乜嘢事入院就不得而知喇!中大發言人就話段校長身體抱恙,目前正在休養同康復中,大學感謝各界對校長嘅關心。

第一手消息請下載on.cc東網iPhone/iPad/Android/Windows Phone Apps