有道是「桃李不言，下自成蹊」；意思是說桃樹不招引人，然其芬芳嘅花朵、甜美嘅果實，雖然不會說話，卻依然能吸引好多人到樹下賞花賞果，多人在其下走來走去，也便走成了一條小路。冇錯，一個人如果品德高尚、誠實正直，其實亦毋須自我宣言，自然會受到他人嘅尊重，甚至景仰。
然而，本屆政府卻最愛吹水，好大喜功卻志大才疏，西九文化區、高鐵香港段等大基建搞到變大白象，應該做得到的卻一味耍手擰頭，好似全民退保，當學者專家嘅研究唔係波，一早預定立場卻又要做門面嘅假諮詢，你話咁冇承擔嘅政府，仲好意思啟動為期五個月嘅乜鬼「欣賞香港」大型運動，都係本報「功夫茶」一語中的：經濟民生樣樣差，欣賞香港枉自誇！
寫過《教我如何不想她》的劉半農，一九二三年又寫過一篇只有二十九個字嘅遊記《柏林》：「大戰過去了，我看見的是不出煙的煙囱，我看見的是赤腳的孩子滿街走！」有點評指：文字很少，且幾近白描，但境界全出，比長篇大論更令人觸目驚心。
老朽亦不禁嘆曰：「佔領過去了，我看見的是劏房遍地開花，我看見的是佝僂的老婦執紙皮！」
政改失敗後，政府口口聲聲要拚經濟、關注民生……新一份施政報告牛皮吹得尤其礙眼：「創新經濟、改善民生、促進和諧、繁榮共享」。
阿哥，香港經濟如今吹淡風，旅遊業不振，零售服務業嗌晒救命；民生多艱，衣食住行樣樣難；「促進和諧」更是諷刺，弱勢政府動輒得咎，立法會日日拉布嘶叫；所謂「繁榮共享」——或許「假難民」最有福消受，欣賞香港，贏得一字：妖！