乜嘢叫做朝氣勃勃？阿哥，唔好有邪念，老朽講嘅係東方報業集團旗艦網站「on.cc東網」。喂！政客就話吹水天下無敵，可惜遠景往往如七彩幻球，講到天花亂墜，可惜只能是趕着鴨子上架──呱呱叫！
呢，「上東網，知天下」，就珍珠都冇咁真，東網自創辦以來，發展一日千里，不斷推陳出新，三合一東網App自上月隆重面世，讀者一App在手，即可輕鬆穿梭不同地區的新聞資訊、隨時切換，飽覽各地最地道嘅新聞資訊，如此免費盛宴，又點止係免費午餐咁簡單啊！
女人就話唔同日子有唔同需要，之不過，唔同讀者一樣會有唔同嘅需要，東網App新增「推播通知」，認真照顧唔同用家嘅需要，讀者可接收新聞、娛樂、財經、體育和生活，同時設有靜音模式，如此喺靜靜雞下，讀者可化身白雲──「舒則彌綸覆四海，卷則消液入無形」，接收自己喜愛嘅資訊都好似獨自去偷歡咁，你話幾咁賞心樂事、幾咁過癮呢！
有日日上東網嘅老友投訴：咁多資訊、評論，多到睇唔晒，可唔可以精簡啲呢？睇唔晒好似做咗大嘥鬼咁！內心難免有未能「惜食」嘅內疚。
老朽原先都有呢啲煩惱，花多眼亂，目迷五色，有時係幾難入手！之不過，「雜花生樹」、「絲竹並奏」，其實別有一番風光；老朽覺得東網亦應知道讀者有此反應，是以推出「新聞精選」，「東網最高瀏覽」、「今日必睇10條新聞」、「《東方》《太陽》今日要聞」，嗱，老朽若然當日冇咁悠閒，就淨係睇呢幾個欄，多些時間就逐條搜索！其實，東網反應好快，特首發表施政報告嗰日，一味「一帶一路」悶到嘔，東網立時推出精簡要點，一睇就知施政報告葫蘆裏賣乜藥，認真第一時間幫到讀者！東網緊貼時代，未來發展，必能干青雲而直上！