民主黨立法會議員ＡＶ仁突然話要喺政改方案表決之後辭職，發動變相公投，要求政府重啟五部曲，結果畀外界鬧爆，連其同道中人都大潑冷水，ＡＶ仁呢趟認真係二叔公插田——聽秧（殃）！
ＡＶ仁完全昧於形勢，民主黨風光不再，在佔領行動中淪為配角，畀雙學搶盡風頭，ＡＶ仁還以為辭職可以吸引眼球，挽回白鴿黨日落西山嘅窘局，這不是太天真太傻嗎？ＡＶ仁辭職啟動變相公投，唯一可以肯定嘅係浪費公帑約兩億，而中央斷唔會因此重啟政改五部曲。
有立法會議員批評ＡＶ仁咁做法，搞到自己「內外不是人」，而政府高官亦指其「不切實際」，同文指其「私心甚明顯」、「政治爛騷」；講真，ＡＶ仁突然玩辭職，有人懷疑係被踢爆多次捐款畀白鴿黨嘅壹淫媒集團前主席淫賤黎喺背後發功。
呢個可能不容抹殺，事關淫賤黎早前去咗台灣，返港後急不及待先後密會佔中發起人戴耀廷、朱耀明等，日前又密會「李漢奸」、單仲偕呢兩位「老鴿」。ＡＶ仁忽然辭職發動變相公投，如此反高潮，睇怕非一時飲大幾杯而熱血上腦也！
ＡＶ仁同佔運幕後黑手淫賤黎行得咁埋，老朽相信佢只會贏得「嗚呼」兩字。換言之，ＡＶ仁已升階「嗚呼仁」。講開有段「古」，當年宋神宗問王安石有冇讀過歐陽修編纂嘅《五代史》，王安石話只草草翻閱過，只見佢每篇結語都用「嗚呼」開頭，難道當年的每件事、每個人，都只能夠搖頭嘆氣？
實情王安石當年若仔細讀過《五代史》，就不會覺得用「嗚呼」開頭有甚麼不對，殘唐五代，還有甚麼事情能夠不使人搖頭嘆息？今觀乎ＡＶ仁與淫賤黎嘅言行，禍港殃民搞到香港妖霧重重，「嗚呼仁」得來全不費吹灰之力！