政情：金沙CEO獲博彩成就獎

艾德森除了喺澳門博彩業大展拳腳，近年喺新加坡博彩業嘅成績亦非常矚目。原來新加坡賭場開業前，佢亦曾遭「潑冷水」，發展不被看好，惟如今成績有目共睹，總算「剝咗對方棚牙」。佢更預期澳門及新加坡嘅博彩市場仍會持續增長，認為亞洲賭業發展仍未飽和，大有發展空間。

艾德森認為，佢嘅成功關鍵在於較人「行先同睇多好多步」，佢認為博彩業逐步轉向綜合娛樂，除了要提供賭場，亦要集展覽、購物等多方面於一身，成為真正度假式經營。

至於未來，佢希望可以喺歐洲打造一個拉斯維加斯，但因為場地的問題，現時仍在構思階段。