早喺兩年前，即龔如心爭產曝光後冇耐，Jeffrey已經喺立法會提咗條口頭質詢，要求稅局交代有否向風水師等收入唔穩定嘅市民追稅，擺明係針對陳振聰。喺呢條質詢後冇耐，稅局就真係開始向陳振聰追稅，究竟係Jeffrey有先見之明、預早收到風知道稅局將會做嘢、定係完全純粹巧合，就只有佢同政府先至知道。
Jeffrey近日又向立法會申請提出另一條書面質詢，要求稅局交代有乜措施確保擁有納稅人嘅有效聯絡方法，確保唔會有納稅人聲稱收唔到稅局信件，而成功拖稅或避稅。須知陳振聰今次獲判勝訴，主因係佢指稱收唔到稅局嘅來信，如果Jeffrey唔係因為陳振聰而狙擊稅局，咁就真係巧合得好緊要囉！