政情：潮商會換呔吸納新血

轉粉紅色增活力

好多人都覺得加入商會好老餅，不過陳幼南就話佢哋無呢方面煩惱，事關佢哋都好注重薪火相傳，加上香港有成百萬「家己人」，要吸納年輕新血入會一啲都唔難，而且佢哋求材若渴，唔一定要係富二代先可以入會，只要有會董推薦兼且品格良好就可以入會幫手。咁又係，陳幼南雖然已經有孫抱，不過佢今年先踏入6字頭，有心又有力為會服務，嚟緊佢哋仲會將條會呔轉粉紅色，增強年輕活力感覺，真係聽見都覺得young。

唔止會長，做珠寶生意嘅副會長胡劍江亦一樣諗頭多多，八年前網上銷售仲未咁普及嘅時候，佢已經諗定喺網上面賣珠寶，夠晒前瞻性。