小牛10連勝大勇勢破殘網
剛於尋日完成十連勝偉績嘅小牛，聽朝將主場撲擊籃網。兩支球隊近況有天壤之別，小牛連勝十場，而籃網就連輸五場，論狀態根本冇得比。小牛現時正力追馬刺，希望乘勇搶走對方西岸一哥位置，主場遇弱不容有失，料小牛可大勝一場。（有線165台及now 678周五早上９時30分直播）
籃網５連敗
縱然尋日有中鋒贊特拿因胃病缺陣，小牛依然能以一○五比一○○擊敗剋星勇士，可見球隊狀態幾咁好，其中魯域斯基個人攻入廿五分，更交出四次封阻及兩次搶截。小牛今季勁在多位球員都具備得分能力，除魯域斯基外，贊特拿、傑特、卡朗畢拿及泰利都好掂，令馬利安及泰利等星級球員都只能充當替補，相信在東岸包尾兼五連敗嘅籃網難阻小牛創造十一連勝，估計大敗機會高。
姚明幫口都冇用
不過主場球迷就冇咁大量，從麥基迪首節替補入場起，每逢佢一掂波，球迷就報以噓聲，搞到佢大為冇癮。「T-Mac」今場合共上陣廿三分鐘攻入十一分，另搶得三個籃板及貢獻三次助攻。其實火箭迷之所以咁憎麥基迪，多少因為佢効力火箭後期態度散漫，「T-Mac」當時年薪高達二千萬美元，屬頂薪球星，但表現甚至不及一些僅領最低薪酬嘅球員，加上「T-Mac」傷患頻頻，近年坐多過打，令火箭迷對佢完全死心。
火箭今場續缺姚明，但史高拉打出今季代表作，起手廿五次十六中，全場轟入卅五分及搶得十二個籃板，協助火箭由頭帶到尾贏九十七比八十三，贏出近四戰第三場比賽。
焦點人物麥基迪賽後表示，由於佢已經唔係第一次嘗到舊東家噓聲滋味，所以已經習慣，仲話母會速龍嘅球迷噓聲仲勁過火箭添！至於姚明則認為麥基迪冇功都有勞，球迷唔應該噓佢咁話。
本報綜合報道
圖／文：黃兆崑