基本法委員會副主任梁愛詩自從唔做律政司司長後，出入中環律師樓都使用公共交通工具，最常搭就係的士。
不過，中環上下班繁忙時間都好難截車，即使的士站都大排長龍，詩姐就試過截的士過海時被拒載嘅經驗。早前有日下晝五點半鐘，卓妮又撞到佢喺置地廣場門口排隊等的士，手上挽住手袋及攞住一份文件，足足等咗逾二十分鐘，認真好耐性，又夠腳骨力。
