中環出更：王以智演繹DK金色長裙

衣着密實嘅Monica，偶然也會大膽一試，早前出席演藝學院慈善舞宴時，就以一條性感金色入膊晚裝亮相。金色向來蝦人着，Monica就carry得恰到好處，佢笑言裙身腰間較鬆身，自己都擔心會產生肥胖嘅視覺效果。

退休旅行歎世界

多了時間，專注扮靚也是人生樂趣。Monica將於本月三十一日正式退休，佢話會約埋成班朋友去旅行歎世界，皆因以前為搏殺，每次朋友搞旅行都錯過咗。回復自由身後，要好好享受人生。

講番Donna Karan服裝，能夠贏得Monica歡心，皆因剪裁利落簡潔，用料高雅，從時尚中帶出一份女人味，而其富於「變」嘅設計，也受到名人如麥當娜、波姬小絲，乃至美國國務卿希拉妮都熱烈追捧。