中環耳目：施榮懷留園雅敘嘗桂魚

位於灣仔駱克道嘅「留園雅敘」堪稱名人飯堂，保安局局長李少光都係常客之一。Irons喜歡食魚，店內巧手嘅「龍鬚桂魚絲」啱晒佢胃口。大廚挑選約有斤幾重嘅桂魚，運用純熟刀法起肉後切成幼絲再落鑊炒香，火候掌握極講究，炒得太耐，魚肉會變老，失去爽脆感覺。把桂魚絲炒香後配上大頭菜便可上碟，半份魚盛惠三百三十元。

減磅淺嚼香糯肉

品嘗過魚香後，Irons點多一味「香糯肉」，製法是以荷葉包住糯米及五花腩肉一起蒸約二十分鐘，荷香滲透每一粒飯，配埋腩肉滲出嘅香濃肉汁，入口煙韌，令人回味無窮。五花腩雖然美味，但對於正在減磅嘅Irons眼中，只會淺嚼輕嘗也。