大帝惡晒發火滅巫

戰績低迷嘅熱火，上場爆出「大帝」比賽期間肩撞教練史普斯達，令兩人不和傳言升溫，兩人今場賽前亦就事件會談了30分鐘。占士開腔指出，事件只係一次意外碰撞，佢之後都已經唔記得有過咁嘅事添，係傳媒瘋狂報道，佢先記番起。「大帝」仲話，今次出面解釋係唔想傳媒再炒作，佢希望球隊可以團結一致專心比賽。

小牛折箭六連勝

巫師缺少易建聯及約翰禾爾之下，令熱火今場打得非常輕鬆，賽事去到第四節初段，熱火已拉開20分領先優勢，只係尾段進入垃圾時間，先畀巫師追番唔少分數，但熱火最終都贏105比94。「三巨頭」今場合共攻入76分，其中以勒邦占士最佳，個人攻入30分、6個籃板及5次助攻，而韋迪及保殊則分別有26及20分進帳。同日賽事，小牛在「德州打吡」以101比91輕取火箭，常規賽連贏六場，狀態大勇。

宅女文欣煲機迎世界賽

性格最為文靜的蘇文欣原來是「宅女」一名，平日愛打遊戲機減壓，她上周生日時更收到葉蘊妍和吳安儀夾份送她的iPod做生日禮物，最近就迷上遊戲《植物大戰殭屍》。這位剛滿29歲的女將，閒時會與家中狗狗玩耍，認為與打機同收減壓之效。

不過蘇文欣早幾天患上感冒，看了兩次醫生情況仍未有好轉，更有兩天要缺席訓練，她擔心目前狀態會影響今次比賽。然而，「3條Q」都一致認為廣州亞運給自己一個很好的經驗，希望今次在4至15日進行的世界賽上，能有出色發揮。