中環出更：劉秀成「被迫」請議員食飯

十九名委員中，尋晚有六人出席，有「IQ博士」黃宜弘、旅遊界謝偉俊、民主黨甘乃威、工程界何鍾泰、「大舊石」石禮謙，仲有稀客「Tim霍」霍震霆同委員會秘書，未夠開會法定人數，但筵席照上菜。

卓妮問大家係咪變定期聚會，IQ博士笑騎騎話：「係呀，每月一次！」劉秀成跟住有啲尷尬咁講：「可能啦，到時AA制。」成場人即時爆笑。

議會獨行俠Tim霍，早前罕有出席建制派定期飯局，為香港申辦亞運會游說護航，但未見成效，Tim霍尋晚又抽空出席，梗係志不在食飯啦，據聞佢席間不斷向大家軟銷申亞；雖然大家都無乜反應，但佢都講足大半場，果然夠晒體育精神！