民主黨何俊仁：「鄭汝樺話唔一定有物業先有愛情，呢一個好純情嘅講法，但如果一對夫婦捱咗三十年仲未供到樓，呢個唔係純情解決到嘅問題，係貧賤夫妻百事哀嘅悲哀！」
民建聯陳鑑林：「世上冇一個政府可將問題完全交畀市場，政府對房地產嘅觸覺不夠敏銳，搞到樓價年年升，如果措施早兩年出台，今日嘅問題就唔會咁嚴重！」
勞聯李鳳英：「鄭汝樺政府唔係要壓抑樓價，真係莫名其妙，依家政府好明顯想喺市民不能負擔嘅情況下，等樓價平穩發展，難怪施政報告後樓價仲係咁升！」
工聯會王國興：「置安心一出，街坊最灰心，公屋住戶最激心，市民對政府解決房屋問題更加係死心！」
專業會議劉秀成：「置安心一年得五千個單位，係不切實際，完全解決唔到市民嘅困難，點樣同舟共濟？」
民協馮檢基：「今次施政報告嘅房屋政策，一不能穩定樓市、二不能令市民安居樂業、三不能穩定民心。」
匯賢智庫葉劉淑儀：「嗰個關愛基金，凡係有思想嘅人都覺得不知所謂，係官商合作前所未有嘅派錢基金！」