政情：郎朗返港 無「家」可歸

郎朗○六年循優才移民計劃成為香港居民，但原來四年以嚟，佢每次返到呢個「家」都無「家」可歸。呢位現年二十八歲、當今炙手可熱嘅鋼琴王子近日接受訪問時，吐出喺香港買唔到樓嘅心聲，話對香港人身份感到自豪，「不過，香港樓價實在太貴了！」

郎朗慨嘆，佢喺紐約同北京都有樓，但喺香港，一屋難求，依家仲物色緊「dream home」，原因係喺鋼琴王子眼中，香港唔止寸金尺土，簡直係「鑽石咁貴」，比紐約仲要厲害，所以遲遲未買到心水樓，每次由外地返到香港，都要住酒店。估計身家億億聲嘅郎朗，竟然都呻香港樓太貴，香港豪宅貴到幾離譜可想而知。施政報告遏抑樓市措施無料到，基層、中產要「上車」都有困難，原來每個階層要買屋買樓，都有佢哋難唸的經。