路窄車剷壆過路搵命博
大角咀近年重建項目不斷，道路設計卻無法切合需求，易生交通意外。大角咀道與埃華街交界交通繁忙，不時有大型車輛出入，但因路面過窄，吳小姐發現，每有大型車輛由埃華街左轉至大角咀道時，即因路面空間不足而「剷上壆」，「馬路中間冇安全島，但啲車唔夠位轉彎就要借埋石壆位，咁啱有人行過真係好危險！」
油尖旺區議員陳文佑稱，上址馬路中間僅有一小型石躉，惟空間不足，加上鄰近有酒店陸續落成，交通流量勢增，「長者要多啲時間過馬路，加倒數燈號或安全島就唔會搞到途人兩頭唔到岸咁危險！」陳促運輸署從速改善設施，以切合實際需要。
運輸署發言人卻稱，上址有足夠行人綠燈號時間予行人過路，毋須加設安全島。現場亦已有交通標誌列明禁止長逾八米車輛左轉大角咀道，其餘車輛則有足夠空間轉向，惟考慮過路處空間較闊，已建議額外加設兩組行人燈號，以清晰指示。