投訴：醫局衞署冷漠折騰孕婦
政府高調要求市民勿各家自掃門前雪，未料位處同一屋簷下的醫院管理局與衞生署，卻以此方式處理孕婦查詢，惟遇上的職員均「十問九唔知」，孕婦「騰上騰落」後才發現要到訪的健康院是日休假！關注團體直斥醫管局與衞生署的服務俱未能以人為本，「少做少錯」態度分分鐘「搞出人命」！
元朗容鳳書健康中心內設多個部門，地下為普通科門診，由醫管局管理；一樓的母嬰健康院則由衞生署管理，採取「長短周」式應診安排，即每月逢第一、三及五個星期的周末均為休息日。準媽媽郭女士早前擬於第五個星期六早上前往母嬰健康院預約產檢。進入中心後，即向普通科門診職員查詢健康院開放時間，卻獲覆「唔知」，只着郭直接往一樓查問。
郭指當日升降機被上鎖，登上逾廿級樓梯後發現健康院內漆黑一片，才知當日休息，「之後我就落返去地下，問另一個職員究竟幾時開門，佢話唔知，再問寫字樓職員，佢先同我講嗰日係短周！」郭不滿醫管局及衞生署同處一間健康中心，竟只自掃門前雪，「醫生叫咗我唔好行咁多樓梯，如果唔係好易出事，今次咁樣畀人玩法，真係好嬲！」郭指職員完全無視市民求助，中心內亦不設通告，認為事件與明愛醫院見死不救事件同出一轍，要求增加通告，讓孕婦更易獲悉開放時間。
少做少錯 隨時又見死不救
「其實只要幫個孕婦打個電話去問吓健康院，就知道有冇開，點解依家啲職員咁冇人情味？」立法會議員陳淑莊認為事件中醫管局前線職員至管理層均責無旁貸，「幫市民係公民責任，尤其孕婦，好似搭車讓位畀佢哋，呢啲都係好基本常識，冇諗過醫管局職員咁都唔知！」陳擔心事件陸續有來，隨時「搞出人命」。
病人互助組織聯盟主席曾建平直斥醫管局作為醫療機構，竟未能做到以人為本，「啲職員淨識少做少錯，好彩今次冇搞出人命，如果唔係真係害死人！」曾認為事件並非單一職員問題，而是涉及整個部門文化，促檢討內部通報機制，增加部門之間溝通，保障病人利益。
新界西醫院聯網發言人解釋，普通科門診診所職員處理關於門診診所以外的查詢，一般會建議查詢人士直接向有關診所查詢，以確保所需資訊正確無誤，並就升降機維修令到訪者無法使用一事致歉。發言人又稱，已將市民意見轉達衞生署，據悉健康中心現已在當眼處張貼服務時間等資料。
記者 梅可茵