路面工程變行人陷阱
香港路面工程頻密，政府部門被指監察不力。長沙灣兼善里進行路面工程期間，僅以木板遮蓋維修位置，司徒先生日前途經時便因誤踏罅縫險告受傷，「路政署到底有冇監管？有冇睇吓個工地設施係咪妥當？點可以咁陰啲市民！」司徒先生促當局從速改善，免令其他市民不慎受傷。
「路政署淨係識批工程，但啲維修就冇跟進，結果就搞到啲市民！」深水埗區議員覃德誠指區內經常有掘路工程進行，惟部門卻欠缺監管，過去便不時接獲市民投訴，尤其工地鋪板草率，經常製造行人陷阱。
路政署發言人稱，中電早前於上址進行鋪設電纜工程，接獲本報轉介後已即時派員查察，事後已要求中電減少工程對途人影響。其後再派員跟進時，發現情況已有改善。