大廚手指骨折伊院延救治
本港公營醫療系統質素每況愈下，醫療事故頻仍致市民信心盡失。年輕西廚遠足時不慎跌傷並傷及尾指，在急症室照X光後，醫生雖懷疑有骨折及移位，但未有即時處理，仍要求病人覆診時才安排手術日期。廚師尾指手術後仍不時隱隱作痛並呈不正常屈曲狀，擔心影響日後工作。關注組織怒斥院方處理粗疏，令病人承受不必要痛苦，促院方檢討及改善。
二十七歲的阿明憑着出眾廚藝，年紀輕輕便已成為老牌五星級酒店西餐部高級廚師，前途無可限量。去年十月六日，阿明遠足時不慎跌傷左手的尾指，即時送往伊利沙伯醫院接受治療。
急症室醫生以X光檢查後，懷疑阿明左手尾指骨骨折，即時轉介至職業治療部配上膠托，並獲安排至同月十九日覆診時再作詳細檢查及診治，「我有同醫生講自己做廚房，隻手傷咗好大件事，但醫生乜都冇講，淨係叫我兩個禮拜之後返去覆診！」
拖延至覆診始醫治
及至十月十七日即原定覆診期前兩天，阿明於工作期間再次碰及左手手腕及尾指，擔心令傷勢惡化而再次向急症室求診，並獲同一名醫生再次以X光替其檢查，證實左手尾指骨折並移位，但仍未即時處理，只囑阿明在兩天後按原定覆診日期覆診。
阿明按時到急症室覆診時，另一位當值醫生檢查後認為傷勢嚴重，即時轉介至骨科。骨科專科醫生認同阿明的個案嚴重，安排兩日後接受手術，「骨科醫生仲好奇怪咁問我點解咁遲先去睇。我都唔明，十七日證實移位，點解唔即時轉介，仲要等多兩日，到覆診嗰時先做嘢？」
勞永樂：移位應即跟進
伊院發言人承認，病人於十月十七日到急症室求醫，指工作時再度弄傷左尾指，期間沒有戴上指托，醫生證實其左手尾指骨折和移位，由於病人將於兩天後覆診，遂安排病人重新戴上指托，並計劃兩天後覆診時重照X光以決定治療方案。
曾任急症室醫生的全民健康動力主席勞永樂解釋，即使傷者受傷後即時接受X光檢查，鑑於傷勢尚未穩定，醫生亦未必可證實是否骨折；不過，如一旦證實傷者出現骨折和移位，則應即時轉介專科醫生跟進，否則或有機會造成永久傷害，「確認移咗位就要即時處理，如果唔係情況可能嚴重，會影響活動能力。呢個病人做廚師，尾指受傷可能影響佢用廚具，真係好慘。」
阿明接受治療時序
日期 經過
6/10/09 遠足時跌傷左手尾指，往伊院求診
17/10/09 工作期間碰及左手手腕及尾指，向伊院求診期間證實左手尾指骨折並移位，但醫生未有即時治理
19/10/09 到伊院覆診，醫生證實情況嚴重，獲轉介到骨科接受治療
21/10/09 接受駁骨及校正位置手術，翌日出院休養
記者 許紹基