舊樓滲漏露鋼筋屋署懶理
馬頭圍道「冧樓」事件，令不少舊樓業主擔心悲劇重演。侯女士的物業位於堅尼地城士美非路，樓齡達四十七年，早年已發現大廈外牆出現裂痕，及後單位牆壁因滲漏引致鋼筋外露，屢向屋宇署反映不果，「○六年已經投訴，佢（屋宇署職員）一直話冇問題，叫我自己整番，但係問題根源係大廈嘅結構有問題，整番都係嘥錢！」侯直言因擔心樓宇安全，已多時未有返回上址居住。
「唔好再等到死人冧樓先嚟做嘢，好心屋宇署就積極啲！」中西區區議員陳財喜直指西區有不少四、五十年樓齡的舊樓屬「鹹水樓」，加上僭建套房情況嚴重，擔心樓宇結構受到影響，促屋宇署加強巡查及檢控，以防悲劇重演。
本報於二月二十五日將投訴轉介屋宇署，惟截稿前仍未有回覆。