老朽唔知煲呔曾閒日除了拍照觀魚，是否又鍾意睇書？講開愛睇書，當推毛澤東，佢係標準書癡，一生閱書無數。解放後，佢張一米八的大床，三分一留畀自己躺下，三分二全是書，看書，累了睡，醒了再看，這是典型的「與書為伴」。山東大學文史哲研究所高亨教授評毛澤東評得貼切：「掌上千秋史，胸中百萬兵。」

有論者指，毛澤東不從政而治學，他可以勝任古代文學教授、寫作學教授、文藝學教授、現代文學教授（魯迅研究專家）、書法學教授、語言學教授、哲學教授、經濟學教授、國際關係教授、軍事學教授等。老朽亦相信，佢老人家若然一生治學，必同樣青史留名，其功過也比較容易評說，更不至於搞到骨肉罹難！做偉人，是要付出代價的！

煲呔曾由「一個寂寞的推銷員」走上特首之路，他的話，自然不會是「吃了燈草灰——說話沒分量」。佢話「Keep」要加「s」，今趟老朽撐佢！老朽英文縱不靈光，但我相信有啲嘢有好過冇。一九四五年八月六日，美國向日本廣島投下了世界第一顆原子彈，當年執行領航任務的泰特‧范科克表示從不後悔這一行為，他說：如果不投擲原子彈，有更多人，包括美國人和日本人會在戰爭中死去。有啲嘢真係唔到你唔「Yes」！