蛇：小心借錢

生肖屬蛇嘅朋友，優點係聰明機智，有急才，而且口才了得，基本上冇乜嘢會難到你，只要把握到機會，工作上一定能取得成功，缺點係斤斤計較，疑心重兼記仇，而且性急，最弊就係睇錢太重。

明年流年十分之好，工作上有貴人幫助，輕輕鬆鬆就財源滾滾，凶星方面有「劫煞」，小心破財，特別係唔好替朋友做擔保或借錢畀人，否則一定搞到債務纏身，幸好還有「月德」射住，凡事都會逢凶化吉。

而喺日本，09年度新十大新進人氣AV女優當中嘅橫山美雪，佢就生於1989年11月15日，生肖屬蛇，講聰明智慧同口才，真係無得頂，明年大計多多，只要好好把握機會，明年一定會更上一層樓，事業一飛沖天。

馬：切忌投資

生肖屬馬嘅朋友，性格活潑好動，行動敏捷，多才多藝，擅於交際，而且外形出眾，人緣好，深得異性歡迎。缺點就係做事性急，過分直腸直肚，經常講錯嘢得罪人，由於太唔定性，做老闆好難取得成功。

明年沖太歲，代表會有變動嘅機會，最常見係感情、住屋、工作等會有變化，來年有「大耗」星，主破大財，金錢上會有重大損失，不宜投資或做生意，建議主動買車、買樓或買保值物品嚟應劫，另外小心跌傷。

04年已經引退嘅AV紅星高樹瑪利亞，佢生於1978年10月25日，生肖屬馬，五年來冇再出碟，但佢仍然可以保持喺人氣榜內第二十九位，可想而知佢嘅魅力幾咁厲害，據講有電視台搵佢復出，如果屬實咁真係有大變動啦！

羊：名利雙收

生肖屬羊嘅朋友，性格溫柔，很重感情，而且做事踏實，喜歡按部就班，實事求是，講信用，有大將之風，天生係一個老闆嘅材料，但缺點就係過於保守固執，唔係咁喜歡聽別人嘅意見，欠缺冒險同埋創新嘅精神。

明年太歲相害，難免是非纏身，幸好都係小問題，來年有「紫微」、「龍德」等貴人星睇住，算係名利雙收年，升職加薪都有你份，但小心招人妒忌，影響人際關係，另外小心受大環境影響，令你財富大上大落。

日本年過三十嘅AV女優，可以一直保持勁強人氣嘅，就只有風間由美一個，佢生於1979年01月31日，生肖屬羊，咪睇佢三十歲人，人氣比啲當打嘅後生女一啲都唔輸蝕，據講最近會傾新約，睇嚟會加片酬同花紅。

撰文：小德

鳴謝：玄學家梁瑋鈞師傅