政情：蘇菲梁「拍」開你的心

蘇菲梁嘅作品驟眼睇冇乜特別，因為相中全是不知名嘅小草，不過佢就喺張相下面加咗句話，為照片點睛：「無名小草都可以美麗，都可以活得精彩。」蘇菲梁嘅相片主題多圍繞「靜止的美麗」，所以兩年前行過山邊見到陽光照射下顯得欣欣向榮嘅小草，即時用傻瓜機影低呢一刻。佢覺得：「一棵小草只要有陽光就已經好開心！」佢希望藉着呢張相提醒港人知足常樂嘅道理。蘇菲梁仲當眾傳授影「開心相」嘅秘訣，就係要舉機之前先令自己開心，影出嚟嘅相自然會感染到拍攝者嘅心情喎。

「拍開你的心」尋日舉行開拍禮，又搞咗個攝影比賽，仲舉行咗個攝影講座，請到名攝影師葉青霖分享攝影心得，希望市民透過鏡頭領會「開心其實好簡單」嘅真諦。