慾女詩
我好鍾意同男友鴛鴦戲水，而情到濃時，我哋好多時索性喺浴室激鬥。點知最近佢唔單止冇興趣喺浴室同我曳曳，有時甚至拒絕同我共浴。以為佢鍾意返睡房玩，但係佢仍然缺乏性趣，究竟佢係對我生厭，定係呢啲只係男性嘅周期反應呢？
大滾瑋
未聽過乜嘢男性周期反應，好似我咁，一年三百六十五日都係處於備戰狀態，就算晚晚同女友曳曳都冇問題。反而我覺得佢可能係對你失去性趣，事關你哋經常肉帛相見，對佢嚟講冇咗份神秘感，自然難以挑起性趣。
阿生
我就覺得你男友唔係對你生厭，反而可能係由於性生活冇新刺激嘅緣故，致令佢提唔起性趣。事關性愛食嚟食去都係嗰幾味，你唔厭時佢都覺得悶。如果想挑起佢嘅性趣，不妨試吓換個地方開戰，好似去租酒店房咁，可能有新嘅刺激呢！
炳門
你又唔使咁敏感嘅，佢之所以提唔起勁，未必對你生厭，或者係佢工作壓力大，搞到佢冇性趣未定。我認為最好嘅辦法，就係睇吓佢係咪因為其他原因，搞到佢無心戀戰，總比你轉換戰場，嚟得更為實際。