點解要北上揼骨？呢個問題，相信每個骨場愛好者都有唔同嘅答案。有啲人貪啲女夠年輕，有啲則認為玩法夠刺激，之不過最騎呢嘅答案就係為咗「溝女」。內地骨女係咪好易溝？呢一點實在見仁見智，但要預咗會浪費不少時間。
撰文：娟娟
對於骨場愛好者嚟講，除咗甚麼莞式大餐之外，飛機骨亦非常受歡迎，事關唔少骨友認為，呢啲場可以令佢哋玩得零舍放心又盡情。當中有啲標榜骨女技術好，有啲主打年輕技師，骨技方面可能分別不大，亦唔會搞太多花樣，之不過青春無敵嘅妹妹仔，卻成為吸引一眾骨友嘅主要原因。曾遇過唔少朋友，佢哋竟會專程上去溝呢種骨女，仲要好似以前嘅「火山孝子」咁，即係為咗博取歡心，就算畀條女點到陀陀擰，仲要不時花錢氹對方開心都心甘命抵。值唔值，睇你自己點諗。
為咗溝女，有啲骨友真係出錢又出力，之不過「錢」係使在骨女身上，而「力」就係指自己嘅腳骨力，事關佢哋就算幾攰都會長途跋涉上去搵女，呢份精神實在令人佩服。
老實講，溝女唔係問題，之不過都要先了解自己為咗乜嘢目的，究竟係想搵個女友，抑或只係想食免費餐？如果屬於前者，心情可以理解，但歡場無真愛，成事機會不大；如果係屬後者，更加唔需要想得太多，話晒人哋做得呢行，冇理由吓吓做蝕本生意啩？曾聽過一位資深骨友話：「與其嘥咁多精神、時間、金錢去溝一個骨女，倒不如留番啲彈藥，去滾多幾次冇咁嬲啦！」呢番說話未必人人認同，唔想影響大家嘅想法，更加唔係要抵毀呢班日做十多個鐘頭嘅骨女，但撫心自問，若然遇上另一位合眼緣骨女，又有幾多人可以堅持得住呢？