我有正能量：「用手篤篤吓估唔到彈到首歌」
成立樂隊為續未完的音樂夢，阿鋒更加招攬了未曾接觸樂器的阿威加入，讓樂隊成為他的新目標，以生命影響生命。「我開頭都冇諗過自己可以做到，好有成功感。」阿威因跳水發生意外，撞傷頸部影響了神經線，從此下半身就不能活動，手部都只得有限的活動能力。
家人隊員支持 重新站起
「我只可以用手篤吓篤吓，估唔到可以彈到一首歌。」阿威坦言，受傷之後有一段時間非常低落，甚至不想外出，但後來因家人的支持，以及樂隊隊員的鼓勵，令他可以站出來，努力奏出自己生命的音符。「我覺得樂隊可以凝聚到一股力量，令大家可以分享自己嘅感受，互相幫助，更加可以喺人前表演，話畀人知我哋都可以做得好！」