政情：八網難逃：外孫女玩古董相機 鍾樹根高呼搞亂檔
眾所周知，立法會前議員鍾樹根其中一個愛好就係攝影，屋企有好多珍藏，講嘅當然係古董相機喇！早前佢就喺Facebook上載咗幾張寶貝外孫女嘅相，見到BB玩緊佢啲古董相機，唔單止開心笑，仲流晒口水添！
貼文「我啲玩具唔啱你玩」
自己嘅珍藏喎。樹根大為緊張，貼文話「嘩！BB來我屋企搞亂檔！我啲玩具，唔啱你玩噃！」老實講，睇到啲相就知道BB係擺Pose喇！咁細個點會自己攞嚟玩吖！
好多網友就話樹根係培養BB自小就學攝影，另有網友仲話「大師是要由細培養，依家開始，六歲就揚名亞洲，十二歲就成世界級大師，當然最緊要有你呢位大師真傳啦！」之不過，樹根就話唔得，仲話BB六歲就會同佢爭嘢玩。咁即係話，佢緊張啲古董相機喇！