政情：公民講場：公屋外判管理差房署責無旁貸

政府近年不時都將清潔、物業管理等工作外判，不過，外判質素參差，經常為人詬病。立法會議員陸頌雄尋日喺記者會批評，房屋署外判管理公屋嘅公司維修紀錄粗疏，經常以「飛紙仔」形式記錄居民投訴，好易唔見啲資料，搞到「立立亂」，甚至搞到有居民要喺荷包拎錢出嚟維修添，質疑房署監管不力，要求房署長遠考慮直接負責所有公屋管理。講真嗰句，公屋始終係資助房屋，係屬於政府嘅資源，房署署長應耀康真係做好番監督，唔好以為外判管理工作，就可以將責任都外判埋，出事時就毋須負責呀！