政情：今日你上鏡：梁耀忠頸患康復無期

立法會議員梁耀忠早前因為頸骨輕微移位，搞到要戴頸箍，其後被立法會外嘅示威者抱走，導致頸患有少少加劇，佢話，中醫師都唔知佢幾時才好番，淨係話要多啲時間，視乎進展，遲啲要再照吓X光就比較清楚。佢話，因為年紀大，有啲退化，冇一般年輕人復原得咁快，依家長期戴住頸箍都係為咗「誓不低頭」，咁樣才會快啲好，瞓覺時就可以除低嘅，但佢強調絕對冇怪啲年輕示威者。