政情：預算案負評如潮 陳茂波：冇咩可以做

「要做到收支平衡係唔現實」

《基本法》第一百零七條指，本港財政預算以量入為出為原則，力求收支平衡，避免赤字，尋日節目上有人就質疑，預算案係咪違反有關條文。陳就話，香港嘅經濟狀況會隨時間而變，如果每年都要做到收支平衡係唔現實，最重要都係開支用得其所咁話。佢又指，近年公共開支方面都有增長，已回應市民訴求。

另外，節目中都有人質疑港珠澳大橋由納稅人負擔支出，但只有旅客先用到，其他行業較難使用。陳就反駁呢個說法唔公平，話港珠澳大橋係本港大型跨境基建，雖然現時貨車使用率未必好高，但長遠而言，大橋並非冇用，認為大橋係連接本港與珠三角地區，會為本港帶來經濟增長。至於被問到美國如取消《美國——香港政策法》，香港係咪可生存，佢就叫大家唔使擔心喎。