一個目標、一副靚偈再加兩隻兔仔牙咁就可以喺裸模界成功突圍，由南美衝入北美，繼而攻陷歐洲，有人認為好冒險，但亦有人話夠「吉士」！咁點解阿妹要咁瞓身呢？原來佢同大部分港人一樣，無非想做有殼蝸牛。當仲喺度諗緊樓價升跌、埋怨無運行嘅巴絲，不妨向Amanda Sagaz借鏡，話唔定下一個上車就係你喇！
香港後生仔女，讀緊大學就話申請公屋，而同樣喺巴西嘅Amanda Sagaz，廿歲女就話要不顧一切努力搵錢買樓，邊個志氣高啲真係唔識答，但可以肯定阿妹勇敢得多，事關佢為咗極速上車，有書唔讀去剝衫，咪以為好膚淺噃，查實同港人成日話「有仔趁嫩生」一樣，阿妹喺入行訪問中自爆「有咪趁嫩晒」，否則人老珠黃、咪咪走下波，真係搵鬼睇你咩！
咪以為Amanda咁就好醒目女噃，查實之所以令佢內心團火燒得咁紅，據講係因為「一個消息」。佢解釋當年道聽途說巴西經濟急速起飛，繼舉辦2014世盃後又搞2016奧運，樓價將會升得快過火箭，依家唔上車，大家連燈尾都望唔到喎！結果舊年的確有調查顯示，巴西過去四年樓價升咗足足三倍，早前更有報道指，連鎖快餐店「老麥」更由全球第四貴，一躍成為今日世界最貴，但打工仔平均收入只得5,000多港紙，恐怖唔恐怖，所以各位港仔港女，咪只覺自己好慘，巴西大有人在呀！
或者正因為欺人太甚，逼到一眾後生仔女無路可行，終於令Amanda有勇氣有行動剝清光企出嚟，以波哋宣洩我是憤怒！雖然得嗰5呎2吋高，一身黝黑膚色，真心講市場價值唔高，但阿妹能夠出位，除咗勇氣，仲有兩隻哨牙，相信巴西人對哨牙最為敏感，球壇「大細哨」曾揚威國際，如今有件囡囡哨哨哋，加埋對天然36C大咪咪，難免令人諗起巴西波曾經風光一時，正所謂睹物思人，睇波自然諗起阿妹囉！
舊年先正式「落場」做裸模嘅Amanda喺當地一間叫BellaClub嘅模特兒公司掛牌，佢話實現買樓夢想係最主要，另一方面亦希望獲得外界認同，因此絕不會嘗試低俗色情寫真，極其量都係自摸挑逗，令巴打有更多幻想喎！而Amanda就真係無幻想喇，因為喺今年開始已先後出現喺英美寫真網站，畀佢再浸多一兩年，莫講話巴西樓，可能喺歐洲買田買地都唔出奇呀！
簡介： 由巴西出道嘅Amanda拍過不少裸照，但除非你識葡萄牙文，否則想起阿妹底都有難度，反而佢喺Model公司有英文簡介，仲有靚靚寫真睇，唔知你會被阿妹嘅哨牙定咪咪吸引先呢？
網址： www.bellaclub.co.uk/models/amanda-sagaz#1.1
出生日期：1995年8月26日
三圍：36C-25-37
身高：5呎2吋
撰文：祖