笑看天下：科學家不是蠢人

二○一一年八月港大百周年慶典，李克強訪港（當年李克強是國務院副總理）已引發一連串風波，香港大學的獨立自主備受質疑。今次的副校長委任風波，無疑更具政治化，涉及的不單只是人事，更涉及政治黑金，佔中搞手戴耀廷秘密捐款手法更是禍源，港大校委會一味和稀泥，事情高高舉起輕輕放下，當斷不斷，致使事件再次引起「校園文革」，一個副校長職位嘅爭議，揭露大學、社會難看、烏煙瘴氣嘅一面！

港大微生物學系講座教授袁國勇突然宣布辭任校委會成員一職，他陳情：「到了這個階段，我覺得我沒有能力將這些矛盾轉化成新的力量……不如我返去搞我啲傳染病、毛黴菌，搞呢啲做乜啊？」

袁教授一臉無奈，更慨嘆香港過去百多年可以融合不同矛盾、價值和意見，可惜過去三年失去微妙平衡，令到「冇受過政治訓練」嘅佢，「無法化解政治壓力」！

其實，袁國勇所言，一句講晒──哀莫大於心死！

科學家治國，成功嘅例子一樣有，好似德國總理默克爾，佢係量子化學博士，是不折不扣如假包換嘅科學家，具有天賦記憶力，同任何人對談，即使超過兩小時，也不必做任何筆記，專心聽完後全部記得晒，且很會抓重點！大家有目共睹，自歐債危機以來，歐洲已垮了十多個政府，只有德國的聯邦政府，在其帶領下，不但未垮，反而更加成長！

是以袁教授作為科學家，老朽相信佢絕對有能力帶領港大克服難關，只是在一個反智嘅社會，連法官也受到「以武制暴」嘅生命威脅，科學家梗係老虎魚蝦蟹都話唔識政治，只愛與微生物玩遊戲啦！科學家不是蠢人，點會做蠢事呢？